القسطرة الوريدية هي يلي بينعطى عن طريقها السيروم و الأدوية الوريدية (التي تعطى عن طريق الوريد) وتستخدم احياناً لإعطاء الأدوية بشكل مزمن مع تبديل كل فترة مشان ما تأنتن وهلق حنعرفكن اكتر عن القسطرة الوريدية و كيفية تركيبها و ازالتها 💙😁💙
↙️اقسام القسطرة↘️ :
1️⃣القسطرة نفسها (يلي بينعطا عن طريقها الدواء)
2️⃣الدليل (الإبرة الواخزة الحادة)
3️⃣الطبة (غطاء القسطرة)

💉💙 التركيب 💙💉
1- بدنا نحدد نوع القسطرة يلي بدنا نستعملها (لونها)
2- نجهز الأدوات اللازمة (القسطرة، قطن، مطاطة، معقم كحولي، لاصق طبي)
😇🧘‍♀️ عملية التركيب الفعلية 🧘‍♀️😇
• اول شي منجيب المطاطة ومنربطها حول المرفق او الساعد (فوق المكان يلي حنركب فيه القسطرة).
• بعدها منجيب قطن و منحط عليه كحول و منمسح المنطقة التي بدنا نركب القسطرة ضمنها بشكل حلزوني من الداخل للخارج.
• منجس (منلمس) العرق و يفضل ما يكون عرق راقص مشان ما يهرب مننا.
• منمسك القسطرة مسكة السيارة (ابهام للوراء و السبابة و المتوسط لقدام).
• مندخل شوي من راس القسطرة بزاوية مائلة مع التأكد انو تكون شطفة (اتجاه الإبرة) بإتجاه صحيح.
• و لنتأكد انو صرنا بالوريد منسحب الدليل شوي (مو كل القسطرة الدليل فقط) فبتالي بفوت دم عالقسطرة و هيك منكون اتأكدنا انو صرنا بقلب الوريد.
• منقيم المطاطة مشان ما نسبح بالدم.
• مندخل القسطرة و نحنا عم نسحب الدليل لبرا بنفس الوقت، بحركة شبه مستقيمة و أيضاً منضغط على الوريد من فوق مكان القسطرة مشان نمنع وصول الدم مشان ما نتعبى دم لبين ما نسحب الدليل كاملاً و بعدين منركب الطبة.
• منلزق القسطرة بشي بلاستر او لاصق طبي او لصاقات خاصة للقساطر.

💉 😁 الإزالة 😁💉
• منقيم اللاصق شوي شوي.
• منسحب القسطرة فرد سحبة.
• فوراً منضغط بقطن لمدة خمس دقايق و اكتر زمنياً لمريض عم بياخد مميعات دم.
• منلزق القطنة و منقيمها بعد عدة ساعات.

📝💙 ملاحظات💙📝
•
في حال انتفاخ اليد يجب ايقاف القسطرة فوراً و تبديلها على الفور •
يجب تبديل القسطرة كل فترة لتفادي الإنتانات
البحث: رنيم سقعان
التدقيق: سامي المفتي + محمد عمر قزيز
التصميم: شادي الصعوب #Syria_Med